Lan

- Design by Iratzoki Lizaso
Alkik, Iratzoki & Lizaso estudioarekin elkarlanean, bulego kadirak gustuko ez dituztenentzako bulego kadira merkaturatzen du.

Orain dela bi urte, Iratzoki&Lizaso estudioak eta Alki euskal altzari egileak desafio bati buru egitea erabaki zuten: tipologia horren kode ergonomikoak eta goxotasunaz eta samurtasunaz ezaugarritzen den Alkiren munduaren kodeak aldi berean errespetatuko lituzkeen kadira bat sortzea.

Lan kadiraren ezaugarri funtzionalak diskretu bilakatzen dira: mekanismoa jarleku azpian desagertzen da eta aulki-besoak bizkarraldearen baitan sartzen dira. Formari, kontaktu eremuei eta ekaien hautuari dagokionez lan bereziki zaindua egin da, gailu atsegin eta lasaia sortzeko xedez. Hemen, Alkik gogokoen duen ekaia den zura kadiraren barnealdetik zein kanpoaldetik baliatzen da.