Alkik Kuskoa M bilduma berria aurkezten du, Iratzoki Studio-k asmatua. 2011-n sortutako Kuskoa bildumaren jarraipenean, bilduma berri honek haritzezko karkasa eta hauts bidez lakatutako altzairuzko hodiak uztartzen ditu. Kadira batek, bi altueratako taburetek eta banku batek osatzen dute bilduma.

Iratzoki Studio-k 2011n sortutako Kuskoa bildumak toki garrantzitsua du Alkiren azken urteetako historian. Haritz-xaflaz osatutako karkasa haritz trinkozko egitura baten gainean pausatzen da.

Kuskoa M bilduma berriarekin bagator gaur, egur sendoa eta altzairuzko hodi-egitura uztartuz. Metala elementu grafiko bihurtzen da eta egituraren eta karkasaren arteko konposizio aukera berriak irekitzen ditu. Bi elementuak tonu berean landu daitezke monokromia sortzeko, disdira eta matearen arteko kontrastearekin; edo, alderantziz, metalaren, egurraren eta tapizeriaren arteko kolore-kontrasteak sor daitezke.

Bildumak aulki bat, bi altueratako taburetak eta banku bat biltzen ditu. Guztiek karkasaren eta metalezko egituraren arteko lotura bera dute oinarri. Taburetek, bilduma ostatuen guneetara zabaltzen dute; bankuek eta kadirek ere bai. Horrela, espazio berean eserleku mota desberdinak modu koherentean uztartzeko aukera eskaintzen da.

Kuskoa M hainbat testuingurutarako pentsatua izan da: jatetxe, taberna, jantoki edo sukaldeetarako. Formen, altueren eta koloreen bidez, bildumak espazioak dinamizatzen ditu, ergonomiari eta eserlekuaren erosotasunari arreta berezia eskainiz.

Karkasa haritz naturalean edo Alkiren zur-akaberetako haritz koloreztatuan egin daiteke. Aurrealdean edo osoki ere tapizatua izan daiteke. Metalezko egiturak bere kolore-aukerak ditu, karkasaren akaberatik independente. Egurra, metala eta oihalak elkarrekin konbina daitezke, proiektu guztietara egokitzeko.

Neurriak

Altura 1020 mm / 40.15 inch
Zabalera 410 mm / 16.14 inch
Sakonera 430 mm / 16.92 inch
Eseri altura 810 mm / 31.88 inch
Pisua 7.4 kg

Iratzoki Studio: