Bildua, Galerie nationale du design-entzat sortutako bilduma

2026(e)ko ekainaren 18(a)

Saint-Étienne hiri bihotzean, Galerie nationale du design (Diseinuaren Galeria Nazionala) museoak diseinuari lotutako pieza publikoak biltzen eta biziarazten ditu. Erakusketa eta transmisio gunea izanik, objektuak eta gure erabilerak argitan jartzen ditu. Publikoari irekitako espazio honetan, altzariek funtsezko lekua dute museoaren esperientzian.

Museoak konkurtso bat aktibatu zuen, lekuaren funtzio anitzak lagunduko zituzten altzariak sortzeko. Alkik irabazi zuen konkurtsoa, Marie et Alexandre (Marie Cornil eta Alexandre Willaume) diseinatzaile bikotearekin batera, Bildua familia presentatuz.

Ikaskuntzari, kolektiboari eta transmisioari buruzko gogoetatik sortua, Bildua objektu sinple, modular eta iraunkorrez osatua da. Familia aulki batez, besodun edo gabekoa, mahai batez, bulego batez, separadore eta kuxin batzuez osatua da. Bere tipologia ezberdinen bidez, Bildua familiak paisaia praktiko eta goxo bat osatzen du. Forma sinple eta grafikoek presentzia beroa eta sensible bat ematen diote.

“Erabilera anitzak laguntzeko pentsatua, aulkia apilagarria da, eta etxe barruko espazioetan bezain ongi txertatzen da espazio kolektiboetan ere, hala nola bistro, kafetegi edo terrazetan. Ahal bezain materia gutxirekin diseinatua, egitura metaliko arin bat eta egur sendozko bi elementu uztartzen ditu; elementu horiek multzoa sendotu, eutsi eta indartu egiten dute.”
— Marie et Alexandre

Alkik eserlekuen bilduma onndoko hilabeteetan editatuko du.

Argazkiak:
Marie et Alexandre - Pierre Grasset - Philippe Thibault - Kevin Dolmaire - Charlotte Robin

Beste aktualitateak

ALKI FEST

Ate ideki eta salmenta berezia: ongi etorri Alki Fest-era!

Alkik bere ateak idekiko ditu urriaren 29tik 31ra, goizeko 9:30etatik arratsaldeko 17:30etara. Hiru egun deskubritzeko, bisitatzeko, partekatzeko… eta gure altzariak beherapen haundiekin eskuratzeko.

2026(e)ko urriaren 8(a)