Izan zirelako gara, garelako izango dira.

Alki 1981ean sortu zen, Euskal Herrian bizitzeko eta lan egiteko asmo irmoari jarraiki, gure geroa gure lurretik bertatik eraiki nahi baikenuen. Bide luzea izan da, eta langileen elkartasunari eta kultura kooperatiboaren printzipioei eusteari esker loratu da gure kooperatiba.

Emaitza ekonomikoez haratago, gure xede nagusia ingurumena garatzen eta aberasten laguntzen duen proiektu komertzial eta kulturala osatzea da. Hala, enplegu aukerak sortzen ditugu, eta aldi berean, kultura kooperatiboa eta jendeen eta enpresen arteko lankidetza azkarki sustatzen dugu, bezeroek merkatuan dagoen eskaintzarik onena ukan dezaten eskura.

Erabaki oro elkarrekin hartzen da, kooperatibako kide guzien artean. Alabaina, langile guziek kide maila bera dute eta Alkiren bizi demokratikoan berdin parte hartzen dute.

Sortzen ditugun irabazien parte bat kooperatiban bertan berrinbertitzen dugu, geroko erronkei lasaitasunez buru egin ahal izateko. Gaineratekoa kide guzien artean berdin partekatzen dugu, soldata hierarkia batere kontuan hartu gabe. Gure xedea argia eta aldaezina da: aberastasuna berdintasunez partekatzea, elkartasunaren indarrean sinesten baitugu eta elkarrekin gero zuzenago eta bidezkoago bat eraiki nahi baitugu.